Your browser version is outdated. We recommend that you update your browser to the latest version.

Athugið að vegna höfundaréttar er aðgangur að nótum aðeins fyrir kórfélaga. Sama gildir um hljóðskrár til æfinga af persónulegum ástæðum.

Síða kórsins

 

Upplýsingamiðstöð um íslenska tónlistUpplýsingamiðstöð um íslenska tónlist

GLATKISTAN

Tónlistarvefur

Aðalfundir - fundargerðir (aðeins fyrir kórfélaga)

 

2013-2014
Skilaboð
Ég var beðin að senda uppskrift af Pestói sem við buðum uppá í Reynisfjöru á laugardag og hér kemur hún/þær:

Grænt Pestó:
1og 1/2 dl sólþurrkaðir tómatar
75 gr klettasalat
1-2 hvítlauksrif
safi kreistur úr sítrónu eftir smekk
caynpipar eftir smekk
20-50 gr kasjú hnetur
ólífuolía eftir smekk
fersk steinselja og sjávarsalt..

Rautt Pestó
150 gr sólþurrkaðir tómatar
50 gr bragðmikill ostur t.d parmasem
50 gr hnetur kasjú eða furu
2 hvítlauksrif
fersk basilika eftir smekk
1 og 1/2 dl ólífuolía.

Mbk Halla


8. apríl.
    Í orðastað NONNA:
            Bassarnir vel sig vanda,
            vaskir, með bringuna þanda.
            Að syngja í kór
            mörg tónverkin stór
            er léttara en að anda.


                               A.L.
14. mars.
Úttekt á hrossaketsveislu sjöunda mars:
            Amstrinu karlarnir reyna að gleyma,
            klæmast og láta sig dreyma.
            Belgja sig út

            og drekka af stút
            með vökvabremsurnar heima.


Myndir  frá hrossaketveislunni eru hér.

22. feb.
Aðeins byrjað að setja inn eldri myndir ( til dæmis hér). Vantar bara miklu fleiri. Það eru margir sem hafa verið með myndavélina á lofti á ferðalögum. Endilega að senda inn myndir, ekki láta þær mygla í tölvunum.

21. feb. 2014
Nú er komin ein auglýsing hér á síðuna. Nú vantar okkur fleiri til þess að standa undir kostnaði við síðuna.
30. jan. 2014
Þá er hún komin í loftið þessi síða sem við Dóri höfum verið að dunda við á kvöldin síðustu viku.
     Markmiðið með þessu verki er að vefurinn okkar verði okkur bæði til gagns og skemmtunar. Gagnið felst í aðgangi að nótum og hljóðskrám með yndissögnum hans Dóra og skemmtunin í myndum, sögum, kveðskap og fleiru sem við söfnum á einn og aðgengilegan stað. Það er von okkar að þetta allt efli félagsskapinn.
     Þetta er unnið í nokkrum flýti, því það lá á að koma hljóðskránum út. Þetta netfang er hugsað til bráðabrigða meðan við leitum hagstæðra leiða til að hýsa vefinn hér innan lands og tryggja okkur .is-lén. Ég er aðeins búinn að kanna hvað er laust og það er ýmislegt sem gæti hentað t.d. krang.is, karang.is, karlarang. is og fleira. Hér gæti hæglega skapast skemmtilegt rifrildi um hvað er flottast áður en menn verða ásáttir með veffang  fyrir kórinn.
     Það er ekki nóg að vera með vefsíðu ef hún er ekki lifandi og í stöðugri endurnýjun og uppfærslu. Til að byrja með vantar fullt af efni: myndir, gamlar og nýjar, skemmtilegar sögur af starfinu, vísur og e.t.v. sitthvað sm ykkur dettur í hug. Ég skora á menn að senda mér myndir og annað efni á netfangið: jonstef@hvolsskoli.is  eða nota póstformið hér á síðunni.